20160722

關於跑步,我想說的是


記錄一下先,話哂係人生第一次跑到10公里,唔知下次幾時會再跑到

呢幾日先係到話成兩星期無做過運動又喪食,今日一放工就忍唔住換衫出去跑。

本來諗住跑到7k 都已經超額,跑到7k之後,諗起ca姐講過有時10k就係個下衝埋佢。。所以就繼續跑,跑慢啲唔駛辛苦自己,心諗:行都行到淨低個2.5k, 慢慢跑實跑得完。最後成功完成10k!!!!!! Yohooo! 

#有關跑步我想說的是:我知好多人跑得快過我勁過我,不過最緊要挑戰自己~

(照copy 自己 facebook 打)

**********

首先,我從小都不喜歡跑步。

依然十分記得小學時是一個肥妹,肥得去完學生保健計劃後被醫生勸告要做運動(所以我整個小學都好怕去保健和一年一度開學後第一堂PE堂的磅重,因為幾乎每年都有10磅增長)。然後,被媽咪逼去屋企樓下的公園圍圈跑。那時圍著水池跑,又肥又輪盡,簡直討厭死跑步。

好在,偉大的青春期把我拉高了一點,中學的日子不至於超重啦

亦因為不再超重,接著的整個中學生涯除了PE堂,我都應該幾乎沒有運動!(其實我中一有嘗試過加入籃球隊。。。過到初輪過不了第二輪選拔~為什麼我會想入籃球隊?我都不記得啦。。。好似是因為男兒當入樽
!)

上到大學,因為讀書忙,大條道理沒有做運動!好像是直至大學最後一年住 hall,剛好 hall 中有兩部跑步機,見免費又有冷氣所以就去跑~

後來開始工作,因為有錢就身痕的原因,都先後有玩過 gym;而當年去gym,就只識用跑步機!(浪費金錢。。。)

早兩年,M生有拉過我一起跑街,沿著海旁來回跑。那時來回跑一圈已經覺得快要往生。可能跑得太慢的關係,常常一邊跑要一邊用不同想法去分散自己的注意力,好讓時間過得快一點。那時候,來回跑3次已經是極限

今年因為又想減肥的關係,開始做運動。起初都不願跑街,因為總覺得自己好快會放棄,只跑跑步機。後來四月中的某一天,忽發其想自己走去海旁跑了第一個5KM,發覺自己都做到啊,便開始慢慢習慣了跑街的步伐。距離一直慢慢的加上去,不過平均值最多都是 6.5 KM,有次衝過7KM,有時甚至4KM已經停下來(我估計因為同時有做其他運動)。雖然有長有短,但最大的轉變其實在心態上。初時跑到5KM,便很想自己可以快點到6K;跑到6KM後,又想迫自己快點上7KM。。。以為這樣就可以衝上10KM,不過這樣開始給自己做成壓力。後來,又調整到心態,告訴自己有跑到就已經很好。高峰期一個星期跑到2-3次,加上其他運動,真的很有成效。

可是一個考試,什麼運動健康都被放到一旁(加上做開的gym又執笠!)。唉,其實千萬個不願,難得建立起的運動習慣不用兩個星期已經開始消失,也感覺得到以往那個坐得就坐的惰性又開始回來!!人開始變得不願去動。。。。。。。。。我不想辛辛苦苦減下來的脂肪和增加的小小肌肉就咁無哂!(但依然無辦法,因為考試要緊,我寧願再減肥,都不想重考。。。)

Anyway,這2星期都是「坐定定係到」,八月十五都坐到大哂。靜極思動,今天回家後終於按捺不住要跑一跑。雖然預設目標是7KM,心中暗裡調整到 6.5KM都收貨。開始跑時,通常頭1-2KM都比較輕鬆易過的,最難捱的是3-6KM那段(因為我是沿著海旁來回跑,很易計到距離)。跑街有個好處,就是身邊有形形式式不同的人跟你一起跑。當你見到那個年紀比你大的伯伯在慢慢跑著,那位標準身型的女跑手也在汗流浹背地跑著,你就知道自己沒有理由提早離場。一邊跑又一邊想起在自己門診見到一些年紀不算太大(50幾60歲)但已經因為肥胖導致身體機能退化,又或是缺乏運動而呢到痛個到痛的病人,想起自己尚算年輕吧,趁有氣有腳骨力去跑,就應該好好為未來的自己負責任!

長氣了,總之不知不覺間就跑到的10KM,當 smart watch 告訴我跑夠10KM 那一刻,我彷彿想像到自己在馬拉松比賽中衝線和聽到身邊的歡呼聲 hahaha。我覺得自己好勁呀!

(跟住而家即刻好想買村上春樹的「關於跑步,我想說的是」!!)

3 則留言:

  1. 此留言已被作者移除。

    回覆刪除
  2. Super like!! 講起跑步, 我諗起三浦紫苑的 「強風吹拂」:)

    回覆刪除
    回覆
    1. 多謝你睇我篇文! 有時間等我睇下呢本書!多謝推介:)
       

      刪除