睇人地blog 有感~

星期日下午。。。

一個明明要趕paper 但又無心機的人係到無無聊聊上網，click 下 click 下去左睇好出名既 blogger 「騎呢weak7」既舊 blog（我都係呢一兩年係 facebook 先識佢地）

雖然佢係好出名既 blogger，但同而家個Ｄ 賣廣告blogger 完全不同 style！feel 得到係真心記錄分享自己既生活！所以一篇又一篇咁又睇左好耐

呢個無聊既嗜好由中學已經開始，明明三唔識七但又會好有心機去睇下人地既生活／諗法

睇到騎呢同 weak 7 ２００７年結婚時既blog，係美國住既佢地超級簡單，但係佢地既 sweet 真係漏瀉出黎

有時係香港真係太物質化，又多比較，又多是非。好多野其實簡簡單單已經好開心，最緊要係你既心態！大富大貴又好，小康之家又好，你唔投入去自己既生活，淨係望住身邊既人去比較既話，點都唔會開心！

明明好老套既道理，以為自己大個女明好多識好多野，反而變得麻木左！

有時我都覺得自己好似容易忟薑左。。容易變左唔滿意小姐！！呢樣野真係要改返，如果唔係無論自己／身邊既人都會好辛苦～

呢排因為某Ｄ人搞到自己唔多happy。寫上一篇 blog個刻我Ｄ怨氣真係勁過怨婦，不過而家又覺得個Ｄ無謂人就由得佢無謂啦！ （攤手～）

寫 blog 就係要隨心所欲～不要比較，要衷心享受生命中既好！


希望自己可以經常提醒自己啦！

（haha 不過都係唔想寫paper (馬騮掩眼emoji)）